Düýn Türkmenistanyň Senagatçylar we telekeçiler partiýasynyň Lebap welaýatynyň Saýat etrap komitetiniň, etrap häkimliginiň we beýleki jemgyýetçilik guramalarynyň bilelikde gurnamagynda Çagalary goramagyň halkara güni mynasybetli etrabyň S.A.Nyýazow adyndaky  seýilgähinde Saýat etrabynyň çagalar baglarynda terbiýelenýän körpeje nesilleriň gatnaşmaklarynda aýdym-sazly baýramçylyk çäresi geçirildi. 

       Geçirilen çärede asuda asmanly diýarymyzda abadan  durmuşda ýaşaýan şadyýan çagalar etrap medeniýet bölüminiň taýýarlan dabaraly aýdym-sazly çykyşlaryna tomaşa etdiler. Çärä gatnaşan körpeje nesillere TSTP-niň Lebap welaýatynyň Saýat etrap komiteti tarapyndan sowgatlar gowşuryldy.

       Bedew batly ösüşlere beslenen ýurdumyzda ýaş nesliň ähli taraplaýyn söýgi we mähir bilen gurşalyp alynmagy ugrunda taýsyz tagalla edýän, eziz Diýarymyzy bagtly çagalygyň mekanyna öwren hormatly Prezidentimize we Gahryman Arkadagymyza çäksiz alkyş aýdýarys.