Türkmenistanyň Senagatçylar we telekeçiler partiýasynyň bilelikde gurnamagynda Senagatçylar we telekeçiler birleşmesiniň welaýat bölüminiň Telekeçiler mekdebinde “Täze eýýamda milli telekeçiligiň ösüşli menzilleri” atly maslahat duşuşygy geçirildi. “Arkadag Serdarly bagtyýar ýaşlar” ýylynda ýurdumyzda Hormatly Prezidentimiziň parasatly ýolbaşçylygynda halk hojalygynyň ähli pudaklary bilen bir hatarda hususy pudagyň ösüşine aýratyn uly üns berilýär, hemmetaraplaýyn goldanylýar. Hormatly Prezidentimiziň ýurdumyzyň eksport kuwwatlylygyny artdyrmak we daşary ýurtlardan gelýän önümleriň ornuny tutýan önümleri öndürmek boýunça berýän tabşyryklaryndan ugur alnyp, amala aşyrylýan işler dogrusynda duşuşyga gatnaşyjylar belläp geçdiler. Şeýle hem, ýurdumyzda azyk bolçulygyny üpjün etmek boýunça eziz Diýarymyzyň ähli künjeklerinde döredilýän döwrebap hususy ýyladyşhanalar, daýhan hojalyklarynyň orny we ähmiýeti dogrusynda aýdylyp geçildi. Duşuşygyň dowamynda döredilýän giň mümkinçiliklerden we şertlerden ýerlikli peýdalanyp, ýurdumyzyň telekeçileriniň gazanýan zähmet üstünlikleri hakynda çykyş edenler belläp geçdiler. Duşuşyk Ýurdumyzda hususy pudagy ösdürmek ugrunda amala aşyrýan ägirt uly işleri üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza hoşallyk sözleri bilen jemlendi.