Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Senagatçylar we telekeçiler birleşmesiniň welaýat bölüminiň mejlisler zalynda gündogaryň beýik akyldary, pelsepeçi, Magtymguly Pyragynyň 300 ýyllygyna bagyşlanyp “Magtymguly Pyragy – gündogaryň beýik akyldary” atly döredijilik duşuşygy geçirildi. Duşuşykda beýik akyldar şahyr Magtymguly Pyragynyň türkmen halkyna galdyryp giden uly ruhy mirasy we öwüt-nesihatlary, ýurdumyzda beýik şahyryň 300 ýyllygy mynasybetli ýaýbaňlandyrylýan giň gerimli çärelere görülýän taýýarlyk işleri barada durlup geçildi şeýle-de Magtymguly Pyragynyň goşgularynyň terbiýeçilik ähmiýetini ýaş nesillere öwüt-ündew etmek dogrusynda belläp geçdiler. Döredijilik duşuşygyna gatnaşyjylar Gahryman Arkadagymyza we Arkadagly Gahryman Serdarymyza döredip berýän ähli mümkinçilikleri üçin öz hoşallyklaryny aýtdylar.