Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda, Senagatçylar we telekeçiler birleşmesiniň welaýat boýunça Telekeçiler mekdebinde, “Türkmenistanyň Halk Maslahaty ýaşlaryň ösüşli, aýdyň, gelejeginiň kepilli” atly düşündiriş-wagyz çäresini geçirildi. Çykyşlarda Gahryman Arkadagymyzyň şu ýylyň 18-nji iýulynda paýtagtymyzdaky Maslahatlar merkezinde geçirilen Türkmenistanyň Halk Maslahatynyň Prezidiumynyň mejlisinde eden taryhy çykyşy we Milli Liderimiziň şol mejlisde Türkmenistanyň Halk Maslahatynyň mejlisini ýokary guramaçylykly geçirmek baradaky beren tabşyryklary dogrusynda giňişleýin gürrüň edildi. Şeýle hem şanly Garaşsyzlygymyzyň 32 ýyllygynyň dabaraly bellenilmegi hem-de Türkmenistanyň Halk Maslahatynyň mejlisiniň ýokary derejede geçirilmegi üçin uly taýýarlyk görülýändigini nygtadylar. Çärä gatnaşyjylar Gahryman Arkadagymyza, Arkadagly Serdarymyza alkyş sözlerini aýtdylar.