Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Türkmenabat şäherinde ýerleşýän Maliýe orta hünär okuw mekdebiniň mejlisler jaýynda talyp ýaşlaryň we bilim işgärleriň gatnaşmagynda ýurdumyzda bellenilýän Ylymlar güni mynasybetli “Ylymly ýaşlar bilen gülleýär Watan” atly maslahat duşuşygy geçirildi. Maslahatda çykyş edenler Halkyň Milli Lideriniň, Arkadagly Serdarymyzyň parasatly ýolbaşçylygynda ýurdumyzda dabaraly bellenilip geçilýän ylymlar güni, ýaşlaryň ýagty gelejegi ugrunda edilýän atalyk aladalar, ýaşlaryň ylymly-bilimli, ýiti zehinli, döredijilikli bolmaklary barada täsirli gürrüňler etdiler. Maslahata gatnaşyjylar mundan beýläkde bedew bady bilen ösýän ýurdumyzyň batly ösüşine öz goşantlaryny goşjakdyklaryny nygtady. Hormatly Arkadagymyza we Arkadagly Serdarymyza okamak, halal zähmet çekmek üçin döredip beren mümkinçiliklerine öz hoşallygyny we alkyş sözlerini aýtdylar. Hormatly Arkadagymyzyň, Arkadagly Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.