2023-nji ýylyň 1-nji iýunynda Türkmenistanyň Senagatçylar we telekeçiler partiýasynyň Lebap welaýat komitetiniň hem-de welaýat çagalar kitaphanasynyň bilelikde gurnamagynda Çagalary goramagyň halkara güni mynasybetli “Arkadag Serdarly bagtyýar nesiller” atly baýramçylyk çäresi geçirildi. Geçirilen çärede asuda asmanly diýarymyzda abadan durmuşda ýaşaýan şadyýan çagalar Lebap welaýat çagalar kitaphanasynyň işgärleri tarapyndan gurnalan Türkmen halk ertekileriniň esasynda düzülen gurjak sahnalaryna tomaşa etdiler. Çäräniň dowamynda körpeje çagalar “Lebap” söwda we dynç alyş merkeziniň çagalar üçin oýun meýdançasynda wagtlaryny hoş geçirdiler. Çärä gatnaşan körpeje nesillerimize welaýat partiýa komiteti tarapyndan sowgatlar gowşuryldy. Ýüzleri şatlykdan, kalplary buýsançdan doly körpeler ýatdan çykmajak çärelere beslenen Çagalary goramagyň halkara gününde özleri barada alada edýän Hormatly Prezidentimize, Türkmeniň milli Lideri Gahryman Arkadagymyza alkyş aýdyp, Arkadagly Serdarymyzyň, Gahryman Arkadagymyza janlarynyň sag, ömürleriniň uzak bolmagyny arzuw etdiler.