2023-nji ýylyň 11-nji ýanwarynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Türkmenabat şäherindäki maliýe orta hünär okuw mekdebinde 2023-nji ýyly “Arkadag Serdarly bagtyýar ýaşlar ýyly” diýip yglan edilmegi mynasybetli “Döwür bilen bäsleşýän bagtyýar ýaşlar” atly maslahaty  geçirildi.

Çykyşlarda  Türkmen halky uly buýsanç bilen Täze — 2023-nji ýyly garşy aldy. Ýylyň-ýylyna mynasyp at goýlup, şol şygaryň astynda beýik işleriň amala aşyrylmagy ýürekleri buýsandyrýar.  2023-nji ýylyň “Arkadag Serdarly bagtyýar ýaşlar ýyly” diýlip atlandyrylmagy bolsa, ähli türkmen halkyny ruhlandyrdy. Giň dünýägaraýyşly, döwrebap nesilleri ýetişdirmegiň ilkinji we esasy şerti olaryň hukuklaryny, azatlyklaryny kepillendirýän kanunçylyk namalarynyň kabul edilmegi hem-de iş ýüzünde gyşarnyksyz durmuşa geçirilýär. “Arkadag Serdarly bagtyýar ýaşlar ýylynyň” her bir aýy, güni uly üstünliklere, beýik  ösüşlere beslener. Maslahata gatnaşanlar Gahryman Arkadagymyza, Hormatly Prezidentimize alkyş sözlerini aýtdylar.