2022-nji ýylyň 3-nji fewralynda “Toý zaman” hojalyk jemgyýetinde Magtymguly Pyragynyň 300 ýyllygy mynasybetli  “Magtymguly arzuw etdi şygrynda, hasyl boldy Arkadagyň döwründe” atly maslahaty geçirildi. 

Maslahatda çykyş edenler Magtymguly Pyragynyň eserleri we ýaşlara ündewleri hakynda Magtymguly pyragy öz halkynyň azatlygyny we özbaşdaklygyny arzuw eden, halk arasynda beýik söýgä mynasyp bolan nusgawy şahyrdyr. Magtymguly atamyz özüniň dürdäne döredijiligi bilen adamkärçiligiň iň gowy suratlaryny wasp edip, ol edebiýatyň dili, tematikasy jähtden göniden-göni halkyň jümmüşine aralaşýar, onuň zeruryýetliklerinden ugur alýar. Şahyryň türkmen halkynyň durmuş mekdebi hökmünde ýurduň özygtyýarlygy we gülläp ösüşi, döwleti dolandyrmagyň kadalary, ylym-bilimi goldamak, rehimlilik, hormat goýmak, jomartlyk, myhmansöýerlik, bitewilik baradaky nesihat beriji goşgulary barada belläp geçdiler. Dabara gatnaşyjylar Gahryman Arkadagymyza alkyş sözlerini aýtdylar.