2021-nji ýylyň 14-nji dekabrynda  “Owadan ülke” hojalyk jemgyýetinde Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda “Ýaşlar – berkarar Watanymyzyň geljegi” atly wagyz-nesihat çäresi geçirildi.

 Çärede çykyş edenler Hormatly Prezidentimiziň ýaş nesilleri beýik ösüşlere ruhlandyrýan taýsyz tagallalary netijesinde ýurdumyzda ýaşlar syýasaty üstünlikli durmuşa geçirilip, ýaşlaryň döwrebap ylym-bilim almagyna, hünär eýesi bolmagyna, işlemegine ähli mümkinçilikler döredilýär. Çünki, ylym-bilimiň, ösen medeniýetiň ojagy hasaplanýan mähriban Diýarymyz bu gün ösüşiň ýolundan batly depginler bilen öňe barýar.  Mähriban Arkadagymyzyň berýän tabşyryklaryna laýyklykda, tehnologik ösüş we bazar gatnaşyklaryna geçilýän häzirki döwürde ýaşlaryň giň toparyny telekeçilik işine çekmekde degişli işleriň alnyp barylýar. Hormatly Prezidentimiziň «Ýaşlar Watanymyzyň güýji, kuwwady, abraý mertebesi hem-de beýik geljegidir» diýen sözleri, ýaşlary täze üstünliklere ruhlandyrýar diýip bellediler. Hormatly Prezidentimiziň janynyň sag, ömrüniň uzak bolmagyny, tutumly işlerinde egsilmez rowaçlyklary arzuw etdiler.