Golaýda Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler birleşmesiniň bilelikde gurnamagynda partiýanyň mejlisler jaýynda Milli bahar baýramy mynasybetli aýdym-sazly baýramçylyk çäresi geçirildi.

Diýarymyzda Milli Bahar Baýramy halkymyzyň ruhy-medeni durmuşynda aýratyn möhüm orun eýeleýär. Bu baýramçylyk diňe bir tebigatyň täzelenişini we baharyň gelşini alamatlandyrmak bilen çäklenmän, eýsem jemgyýetimizde ynsanperwerlik, agzybirlik hem-de dost-doganlyk ýaly ýokary ahlak gymmatlyklarynyň dabaralanmagyna giň ýol açýar. Baýramçylyk dabarasy dürli ýaşdaky adamlary bir ýere jemläp, olaryň arasynda dostlukly gatnaşyklary berkitmäge, jemgyýetde jebisligi we agzybirligi has-da pugtalandyrmaga ýardam berýär. Şeýle çäreler arkaly halkymyzyň gadymdan gelýän asylly ýörelgeleri dowam etdirilip, häzirki zaman ösüşleri bilen sazlaşykly ösdürilýär. 

Aýdym-sazly baýramçylyk çäresi Maýa Kulyýewa adyndaky Türkmen Milli konserwatoriýasynyň mugallymlarynyň aýdym-sazly çykyşlary bilen utgaşyp gitdi. 

Baýramçylyk çäresine gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak belent başlary aman bolmagyny arzuw etdiler.