2021-nji ýylyň 4-nji martynda Türkmenistanyň Senagatçylar we telekeçiler partiýasynyň gurnamagynda  Halkara zenanlar güni mynasybetli işewür zenanlaryň arasynda “Zeminiň görki Zenandyr” atly aýdym-sazly baýramçylyk dabarasy geçirildi. 

   Bu dabara Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler Birleşmesiniň, Türkmenistanyň Zenanlar birleşiginiň ýanyndaky işewür zenanlar merkeziniň we Türkmenistanyň söwda we telekeçilik ugrynyň işgärleriniň Kärdeşler arkalaşyklarynyň   işewür zenanlary we hususy ulgamda zähmet çekýän telekeçiler gatnaşdylar. Bu dabarada tanymal aýdymçylar we ýazyjy-şahyrlar çykyş etdiler. Çykyşlarda Hormatly Prezidentimiziň janynyň sag, ömrüniň uzak bolmagyny, «Türkmenistan — Parahatçylygyň we ynanyşmagyň Watany» ýylynda hem belent tutumly işlerinde egsilmez rowaçlyklary arzuw etdiler.