Şu gün Türkmenistanyň Senagatçylar we telekeçiler partiýasynyň Lebap welaýatynyň Saýat etrap komitetiniň we Saýat etrap häkimliginiň, beýleki jemgyýetçilik guramalarynyň bilelikde gurnamagynda, «Bal Saýat» toý mekanynda Täze ýyl baýramçylygyna bagyşlanan aýdym-sazly dabaraly çäre geçirildi. Çäräniň dowamynda körpeje nesillerimize TSTP-nyň Lebap welaýatynyň Saýat etrap komiteti tarapyndan taýýarlanylan ýörite täze ýyl sowgatlary gowşuryldy. 

             Täze ýylyň şatlygy paýtagtymyzdan başlap, welaýatlarymyza çenli ýaşyl arçalaryň reňbe-reň öwüşginlerine, çagalaryň şatlyk-şowhun, gülküsine beslenýär. Täze ýylyň özboluşly öwüşgini, ýaşyl arçalar, üýtgeşik sowgatlyklary bilen kalbyňy heýjana salýar. Bu bolsa kalby sahawatly Gahryman Arkadagymyzyň, Arkadagly Gahryman Serdarymyzyň pähim-paýhasynyň netijesi bolup, her bir ildeşlerimiziň ýüreginde alkyş-senasy bolup ýaňlanýar.