Şu gün Türkmenistanyň Senagatçylar we telekeçiler partiýasynyň Lebap welaýat komitetiniň hem-de Lebap welaýat ýörite sungat mekdebiniň bilelikde gurnamagynda, «Lebap» toý mekanynda ýetip gelýän Täze ýyl baýramçylygy mynasybetli «Täze ýyla täze gadamlar bilen!» atly aýdym-sazly baýramçylyk çäresi geçirildi.

Şatlyk-şowhuna beslenen bu baýramçylyk çäresinde Lebap welaýat ýörite sungat mekdebiniň aýdym-saz we tans toparlarynyň parahat Watanymyzy we Gahryman Arkadagymyzy, Arkadagly Gahryman Serdarymyzy wasp edýän aýdym-sazlary, tanslary bilen çykyş etdiler.           

         Baýramçylyk çäresine gatnaşanlar toýdyr-baýramlara beslenýän ýurdumyzda döredip berýän ähli mümkinçilikleri üçin  Gahryman Arkadagymyza, Arkadagly Gahryman Serdarymyza sagbolsunlaryny aýtdylar hem-de janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.