Lebap welaýat Maliýe orta hünär okuw mekdebinde «Ýol hereketiniň howpsuzlygy — ömrümiziň rahatlygy» atly biraýlygyň çäginde wagyz-nesihat duşuşygy geçirildi. Welaýat Polisiýa müdirliginiň, Türkmenistanyň Senagatçylar we telekeçiler partiýasynyň Lebap welaýat komitetiniň bilelikde guramagynda talyp ýaşlaryň arasynda geçirilen duşuşykda hormatly Prezidentimiziň başlangyjy boýunça ýurdumyzda yglan edilen «Ýol hereketiniň howpsuzlygy — ömrümiziň rahatlygy» atly biraýlygyň çäginde alnyp barylýan çäreler we olaryň ähmiýeti dogrusynda giňişleýin gürrüň edildi.

Çykyşlarda bellenilişi ýaly, ajaýyp döwrümizde halkymyzyň ýaşaýyş-durmuş şertleri barha ýokarlanyp, köçe-ýollaryň durky döwrebaplaşdyrylýar, täze ýollar gurulýandygy, şonuň bilen bir hatarda ýollarda ulag gatnawlary artýandygy bu bolsa, ýol hereketiniň kadalaryny berk berjaý etmegi talap edýändigini belläp geçip. Şoňa görä-de, talyp ýaşlara ýol hereketiniň kadalaryny hökmany ýagdaýda doly we dogry berjaý etmelidikleri barada aýdyp geçdiler.

Duşuşyga gatnaşyjylar ak ýollarymyzyň hemişe asuda bolmagyny arzuw edip, halkymyzy bagtyýar durmuşa ýetiren hormatly Prezidentimiziň we Gahryman Arkadagymyzyň adyna alkyş sözlerini aýtdylar.