2024-nji ýylyň 8-nji awgustynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda welaýat Baş bilim müdirliginiň mejlisler jaýynda partiýanyň agzalarynyň gatnaşmagynda ýurdumyzda halk we döwlet ähmiýetli geçirilýän taryhy maslahatlarda seredilýän meseleleri we öňde goýlan wezipeleri ündemek, wagyz etmek maksady bilen «Halk maslahaty– agzybirligiň binýady»  atly  wagyz-nesihat duşuşygy geçirildi.

Duşuşykda Hormatly Prezidentimiziň ýolbaşçylygynda ýurdumyzda geçirilýän maslahatlaryň, mejlisleriň il-ýurt bähbitli taraplary barada täsirli gürrüňler edildi. Hormatly Prezidentimiziň halkymyza, esasan-da ýaş telekeçilerimize işlemek üçin döredip beren amatly şertleri, bu ugurda ýetilen uly sepgitler barada buýsanç bilen bellenilip geçildi. 

Duşuşyga gatnaşanlar Gahryman Arkadagymyza, Arkadagly Gahryman Serdarymyza halkymyz we döwletimiz üçin edýän taýsyz tagallalaryna köp sagbolsun aýtdylar.