Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda Hormatly  Prezidentimiziň ykdysady özgertmeleriniň ähmiýetini we telekeçileri döwlet tarapyndan goldamak syýasatyny wagyz etmek maksady bilen “Gujurly binagär” hususy kärhanasynda “Telekeçiligiň üstünlik ýoly” atly wagyz-nesihat duşuşygy geçirildi. 

Berkarar döwletimizi, bagtyýar döwrümizi, beýik galkynyşlarymyzy arzuw eden akyldar şahyrymyz Magtymguly Pyragynyň doglan gününiň 300 ýyllygynyň bellenilýän ýylynda bu günki gün beýik şahsyýetlerimiziň pähim-paýhas ummanyndan ruhlanyp, döredijilikli zähmet çekýän türkmen telekeçileri ýurdumyzyň durmuş-ykdysady ugurda gazanýan üstünliklerinde, ylmyň gazananlaryny, öňdebaryjy tejribäni ähli ulgamlara işjeň ornaşdyrmakda, dünýä bazarlarynda bäsdeşlige ukyplylygymyzy ýokarlandyrmakda möhüm orun eýeleýärler. Türkmenistanyň Kanuny ykdysady ösüşe we durmuş taýdan kämilleşmäge ýardam edýän bazar ykdysadyýetiniň möhüm bölegi hökmünde kiçi we orta telekeçiligiň ösmegi üçin amatly şertleriň döredilmegine gönükdirilen döwlet syýasatynyň hukuk esaslaryny döretmek maksadyndan ugur alýar.

Häzirki wagtda ýurdumyzda milli bähbitleri we dünýä ösüşiniň umumy meýillerini nazara alýan bazar ykdysadyýetiniň dürli görnüşlerini kemala getirmek we yzygiderli kämilleşdirmek babatda ýokary netijeler gazanyldy. Halkymyzyň bagtyýar durmuşy barada uly tagallalar edýän Gahryman Arkadagymyza hem-de Arkadagly Gahryman Serdarymyza köp sagbolsun aýdýarys. Gahryman Arkadagymyz, Arkadagly Gahryman Serdarymyzyň janlary sag, ömürleri uzak bolsun, tutýan tutumly işleri rowaçlyklara beslenmegini arzuw edýäris!