Türkmenistanyň Senagatçylar we telekeçiler partiýasy we Türkmenabat şäherindäki Derýaçylyk orta hünär okuw mekdebiniň bilelikde gurnamagynda Lebap welaýatynyň “Taryhy we ülkäni öwreniş” muzeýinde, talyp ýaşlarynyň we partiýanyň işjeň agzalarynyň gatnaşmaklarynda, 1941-1945-nji ýyllarda bolup geçen Beýik Watançylyk urşuna gatnaşan we urşunda wepat bolan gahrymanlarymyzy sarpalap, görkezen edermenliklerini, gaýduwsyzlyklaryny ýaşlaryň arasynda wagyz-nesihat etmek maksady bilen taryhy gezelenç gurnaldy. 

Geçirilen gezelenjiň dowamynda Beýik Watançylyk urşy döwründe türkmen halkynyň görkezen edermenlikleri barada gyzykly we täsirli gürrüňler edildi. Uruş döwründen häzirki günlere çenli saklanyp galan taryhy tapyndylar bilen tanyşdyryldy.

Duşuşygyň ahyrynda gezelenje gatnaşan talyp ýaşlar Gahryman Arkadagymyza, Arkadagly Gahryman Serdarymyza okamaga, döretmäge we halal zähmet çekmek üçin döredip beren mümkinçiliklerine öz hoşallygyny we alkyş sözlerini aýtdylar. 

Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.