Arkadagly Gahryman Prezidentimiziň taýsyz tagallalary bilen, diýarymyzda “Pähim paýhas ummany - Magtymguly Pyragy” ýylynda toýlar-toýlara, baýramlar baýrama ulaşýar. Bu çäreler bilen bir hatarda aprel aýynyň gelmegi bilen ýurdumyzda sporty ösdürmeklige we sagdyn durmuş ýörelgesini wagyz etmeklige gönükdirilen dabaraly çäreler giň gerime eýe bolýar. 

2024-nji ýylyň aprel aýynyň 4-ne, Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda, Türkmenabat şäherindäki 2-nji sport mekdebinde Bütindünýä saglyk güni mynasybetli “Saglygym bagtym-yranmaz tagtym” ady bilen sportuň dürli görnüşleri boýunça ýaşlaryň arasynda bäsleşik we wagyz-nesihat duşuşygy geçirildi. Geçirilen çärede Türkmenabat şäheriniň 2-nji sport mekdebiniň zehinli ýaşlary özüniň başarnyklaryny görkezdiler. 

Giň gerime eýe bolan şeýle çäreleriň ýaşlaryň sporta bolan söýgini artdyryp, agzybirligi, jebisligi has-da pugtalandyrmakda ähmiýetiniň örän uludygy aýratyn bellärliklidir. Ýaşlary giňişleýin sporta çekmeklik üçin Arkadagly Gahryman Serdarymyz ähli şertleri döredip berýär. Şeýle mümkinçilikleri halkymyza, ösüp gelýän ýaş nesle peşgeş berendigi üçin Gahryman Arkadagymyzyň, Arkadagly Gahryman Serdarymyzyň jany sag, ömri uzak, belent başlary aman bolsun!