Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda 2024-nji ýylyň 5-nji martynda Halkara zenanlar güni mynasybetli Türkmenabat Pagta egriji fabriginde, “Mähriban zenanlarymyza egsilmez sarpa” atly baýramçylyk çäresi geçirildi. Geçirilen baýramçylyk çäresinde Türkmenabat Pagta egriji fabriginde zähmet çekýän gyz-gelinleri halkara zenanlar güni mynasybetli gutlag sözleri aýdyldy. Şeýle-de partiýanyň işjeň agzalaryna Türkmenistanyň Senagatçylar we telekeçiler partiýasynyň Lebap welaýat komiteti tarapyndan taýýarlanylan ýörite sowgatlar gowşuryldy. Baýramçylyk çäresine gatnaşan gyz-gelinleri şeýle mümkinçilikleri döredip berendigi üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.