2024-nji ýylyň 7-nji fewralynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda welaýat kitaphanasynda ägirt söz ussady, beýik şahyr Magtymguly Pyragynyň goşgularynyň many-mazmunyny ýaşlara ündew etmek maksady bilen, ýaş ýazyjylar bilen “Köňüller ýürekler bir boldy başlar – jebis bugün ähli dogan-gardaşlar” atly döredijilik duşuşygy geçirildi. Geçirilen duşuşykda Türkmenistanyň Senagatçylar we telekeçiler partiýasynyň Lebap welaýat komitetiniň, welaýat kitaphanasynyň we döredijilik işgärleri çykyş etdiler. Geçirilen döredijilik duşuşygynda Beýik akyldar şahyr, gündogaryň beýik pelsepeçisi Magtymguly Pyragynyň goşgylary okaldy. “Pähim-paýhas ummany Magtymguly Pyragy” ýylynda ýurdumyzda beýik şahyryň 300 ýyllygy mynasybetli ýaýbaňlandyrylýan giň gerimli çäreler barada durlup geçildi. Şeýle-de Arkadagly Gahryman Serdarymyzyň ýolbaşçylygynda ýurdumyzda günsaýyn kämilleşdirilýän döwlet syýasatynyň ileri tutulýan meseleleri barada hem gürrüňler edildi. Duşuşygyň ahyrynda ýygnaga gatnaşyjylar Hormatly Arkadagymyza we Arkadagly Gahryman Serdarymyza döredip berýän mümkinçiliklerine öz hoşallygyny we alkyş sözlerini aýtdylar. Hormatly Arkadagymyzyň, Arkadagly Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.