Daşoguz şäheriniň 2-nji orta hünär okuw mekdebinde Türkmenistanyň Senagatçylar we telekeçiler partiýasynyň Daşoguz welaýat komitetiniň guramagynda “Türkmenistanyň goňşy döwletler bilen uzak möhletleýin geljegi nazara alýan, netijeli hyzmatdaşlygy ” atly wagyz-nesihat duşuşygy geçirildi. Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň oýlanyşykly içeri we daşary syýasatynyň netijesinde ýurdumyzyň at-abraýy günsaýyn artýar. Garaşsyz, hemişelik Bitarap Türkmenistan döwletimiz özüniň daşary syýasy ugruny ösdürmekde Ykdysady Hyzmatdaşlyk Guramasyna möhüm orun berýär. Hormatly Prezidentimiziň Özbegistan Respublikasynyň paýtagty Daşkent şäherinde geçirilen Ykdysady Hyzmatdaşlyk Guramasyna gatnaşyjy döwletleriň Baştutanlarynyň 16-njy sammitinde eden çykyşy hem muny aýdyňlygy bilen tassyklady. Maslahatyň dowamynda taryhy sammitde eden çykyşynda hormatly Prezidentimiz Bitarap Türkmenistanyň Ykdysady Hyzmatdaşlyk Guramasynyň ýurtlaryna iberilýän tebigy ga yň hem-de elektrik energiýasynyň möçberini artdyrmaga taýýardygyny belledi. Şeýle hem Arkadagly Gahryman Serdarymyz ykdysady hyzmatdaşlygy pugtalandyrmagyň bähbidine ulag-aragatnaşyk ulgamynda gatnaşyklary işjeňleşdirmegiň möhümdigini nygtady. Şunda degişli döwletleriň gatnaşmagynda ulag-logistika merkezlerini döretmek baradaky başlangyjy öňe sürdi köptaraplaýyn esasdaky gatnaşyklarynyň ösmegindäki orny dogrusynda giňişleýin bellenilip geçildi. Maslahata gatnaşyjylar eziz Diýarymyzyň at-abraýyny mundan beýläk hem artdyrmak ugrunda alyp barýan taýsyz tagallalary üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza sagbolsunlaryny aýtdylar.