Türkmenistanyň Senagatçylar we telekeçiler partiýasynyň, Merkezi Geňeşiniň kiçi mejlisler jaýynda Ahal welaýat komitetiniň gurnamagynda “Gahryman Arkadagymyzyň we Arkadagly Gahryman Serdarymyzyň saýlap alan ýoly-beýik gelejegiň kepili”   atly wagyz-nesihat duşuşygy geçirildi.

    Berkarar döwletimiziň täze eýýamynyň Galkynyşy döwründe hormatly Prezidentimiziň parasatly baştutanlygynda ýokary depginler bilen ösýän Garaşsyz Türkmenistanyň halkara abraýy şan-şöhraty barha ýokarlanýar. Bütin dünýäde parahatçylygyň we durnuklylygyň pugtalandyrylmagynda möhüm orny eýeleýän ýurdumyzda dünýä döwletleri bilen dostluk, hoşniýetli gatnaşyklarynyň ösdürilmegine aýratyn ähmiýet berýär. Garaşsyz, baky Bitarap Türkmenistanyň ýokary derejede gülläp ösmegi we özgermegi tutuş milleti buýsandyrýar. Häzirki wagtda durnukly ösüşi gazanmak Hormatly Prezidentimiziň  alyp barýan syýasatynyň möhüm ugurlarynyň biri bolup durýar. Döwletimizde ilatymyzyň bagtyýar durmuşyny üpjün etmäge gönükdirilen belent maksatlar myrat tapýar. Durmuş-ykdysady taýdan ösdürmekde gazanylýan üstünlikler bolsa halkymyzyň çekýän halal zähmeti bilen baglydyr. Durmuşa geçirilýän belent maksatnamalaryň esasynda milli ykdysadyýetimiziň ähli ugurlarynda netijeli işler amal edilýär. Il bähbidine ýugrulan işler bolsa halkymyzyň ertirki güne bolan ynamyny artdyrýar, öz ata-watanyna bolan buýsanjyny, söýgüsini pugtalandyrýar.  Eziz Watanymyz ýetilen sepgitler, gazanylýan üstünlikler, ilkinji nobatda halkymyzyň agzybirliginiň, jebisliginiň, bir başa bakmak ýol-ýörelgesiniň barha rowaçlanýandygynyň aýdyň beýanydyr. 

  Gahryman Arkadagymyza, Arkadagly Gahryman Serdaryma biz türkmen halkyna ähli mümkinçilikleri döredip berýänligi üçin köp sag bolsyn aýdýarys. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, belent başlary aman bolsun!