2023-nji ýylyň 10-njy awgustynda Daşoguz pagta egriji fabriginiň mejlisler jaýynda Türkmenistanyň Senagatçylar we telekeçiler partiýasynyň Daşoguz welaýat komitetiniň, Türkmenistanyň Döwlet Gümrük gullugynyň Daşoguz welaýat Gümrükhanasynyň bilelikde guramagynda “Türkmenistanyň Halk Maslahaty – Milli demokratiýanyň dabaralanmagy” atly maslahaty geçirildi. “Arkadag Serdarly bagtyýar ýylynyň” 18-nji iýulynda geçirilen Türkmenistanyň Halk Maslahatynyň Prezidiumynyň mejlisinde kabul edilen kararlar we seredilen meseleler geçirilen maslahatyň esasy mowzugyna öwrüldi. Maslahatda çykyş edenler Türkmen halkynyň Milli Lideri Gahryman Arkadagymyzyň Türkmenistanyň Halk Maslahatynyň nobatdaky mejlisini guramaçylykly ýagdaýda geçirmek boýunça beren tabşyryklaryndan ugur alyp häzirki wagtda alnyp barylýan işler dogrusynda aýdyp belläp geçdiler. Şeýle hem ýurdumyzyň geljekki ösüşinde we milli demokratiýamyzyň dabaralanmagynda Halk Maslahatynyň eýeleýän wajyp orny we ähmiýeti hakynda çykyş edenler aýdyp geçdiler. Maslahat Türkmen Halkynyň Milli Lideri Türkmenistanyň Halk Maslahatynyň başlygy Gahryman Arkadagymyza we Arkadagly Serdarymyza ýurdumyzy günsaýyn ösdürmek ugrunda alyp barýan tagallalary üçin hoşallyk sözleri bilen jemlendi.