2023-nji ýylyň 1-nji fewralynda Türkmenistanyň Senagatçylar we telekeçiler partiýasynyň guramagynda welaýatyň Şabat etrabynyň Medeniýet öýünde “Türkmenistanyň Halk Maslahaty – milli jebisligiň we mäkäm döwletliligiň daýanjy” atly maslahat geçirildi.   

Garaşsyz, baky Bitarap Türkmenistan döwletimiz Berkarar döwletiň täze eýýamynyň Galkynyşy döwrüniň Arkadag Serdarly bagtyýar ýaşlar ýylynda Türkmeniň Milli Lideri Gahryman Arkadagymyzyň dowamatyny dowam edýän Arkadagly Serdarymyzyň parasatly baştutanlygynda ösüşleriň täze tapgyryna gadam basdy. Türkmenistanyň iň ýokary wekilçilikli edarasy bolan halk Maslahatynyň döredilmegi we onuň başlyklygyna Gahryman Arkadagymyzyň maslahata gatnaşyjylaryň hem-de ähli türkmen halkymyzdan gelip gowşan teklipler esasynda Hormatly Prezidentimiziň permanyna laýyklykda saýlanmagy Maslahatyň esasy mowzugyna öwrüldi. Ýurdumyzyň kanunçylyk ulgamyny dünýäniň ösüp barýan şertlerinde olar bilen aýakdaş gitmek maksady bilen ata Watanymyzda amala aşyrylan bu oýlanyşykly özgertmeler ýurdumyzy mundan beýläk hem ösüşlerden-ösüşlere tarap batly gadamlar bilen öňe gitmegine özüniň saldamly goşandyny goşjakdygy dogrusynda çykyşlar edildi. Şeýle hem ýurdumyzda halk hojalygynyň beýleki pudaklary bilen bir hatarda ösüşine aýratyn uly ähmiýet berilýän we hemmetaraplaýyn goldanylýan hususy pudagyň hem ösmegi üçin ýurdumyzda amala aşyrylýan giň möçberli işler dogrusynda hem-de bu ulgamyň hem kanunçylyk esaslaryny kämilleşdirmegiň ähmiýeti dogrusynda hem giň mazmunly çykyşlar edildi.

Maslahata gatnaşyjylar Türkmeniň Milli Lideri Gahryman Arkadagymyza, Arkadagly Serdarymyza ata-watanymyzyň abraýyny has-da beýgeltmek, halkymyzy asuda, parahat we bol-elin durmuşda ýaşatmak ugrunda alyp barýan giň möçberli işleri üçin köp sag bolsun aýtdylar. Türkmeniň Milli Lideri Gahryman Arkadagymyzyň, Arkadagly Serdarymyzyň janlary sag, ömürleri uzak, alyp barýan il-ýurt bähbitli, bütin adamzat ähmiýetli işleriniň dowamaty dowam bolmagyny arzuw etdiler.