2022-nji ýylyň 30-njy sentýabrynda Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda Senagatçylar we telekeçiler partiýasynyň edara binasynyň kiçi mejlisler jaýynda Türkmenistanyň Döwlet Maslahatyndan gelip çykýan wezipeleri wagyz etmek maksady bilen, “Bagtyýar durmuşy üpjün etmäge gönükdirilen beýik işler” atly maslahat geçirildi.

Bu maslahatda çykyş edenler ýurdumyzyň Garaşsyzlyk ýyllarynda gazanan üstünlikleri we ýetilen sepgitleri barada hem-de Hormatly Prezidentimiziň Türkmenistanyň Döwlet Maslahatyndan eden taryhy çykyşy barada aýtdylar. Hormatly Prezidentimiziň ýurdumyzyň içeri we daşary syýasatynda gazanan üstünliklerine giňişleýin syn berip, täze taryhy döwürde ýurdumyzy mundan beýläk-de ösdürmek boýunça öňde durýan anyk wezipeleri kesgitledi. Hususan-da, ilatyň durmuş taýdan goraglylygyny üpjün etmek, Durnukly ösüş maksatlaryny amala aşyrmak, daşary syýasatda dünýä döwletleridir halkara guramalar bilen ýola goýlan gatnaşyklary işjeňleşdirmek, ösüşiň senagat-innowasion ýoluny dowam etdirmek, çeýe salgyt we işjeň söwda syýasatyny alyp barmak, oba hojalygyny, dokma pudagyny döwrebaplaşdyrmak, “ýaşyl”  ykdysadyýete, sanly ulgama geçmek işini höweslendirmek, hususy önüm öndürijileri goldamak, elektroenergetika, gurluşyk pudaklarynda möhüm taslamalary amala aşyrmak, döwrebap üstaşyr ulag geçelgelerini döretmek ýaly ileri tutulýan ugurlar çykyşynyň dowamynda belläp geçdiler. Oňa gatnaşyjylar Hormatly Prezidentimiziň janynyň sag, ömrüniň uzak bolmagyny, belent tutumly işlerinde egsilmez rowaçlyklary arzuw etdiler.