2022-nji ýylyň 16-njy iýulynda Türkmenistanyň Senagatçylar we telekeçiler partiýasynyň Ahal welaýat komitetiniň  gurnamagynda “Serpaý ussat hyzmatdaş” hususy kärhanasynda    “Halallyk ýörelgeleri” atly wagyz-nesihat çäresi geçirilýär. 

Çykyşlarda Hormatly Prezidentimiziň parasatly ýolbaşçylygynda Garaşsyz, baky Bitarap Türkmenistan döwletimiziň halkara abraýynyň barha artýandygyny, ýurdumyzda amala aşyrylýan ägirt uly işleriň diňe bir sebitde däl, eýsem dünýä jemgyýetçiligi tarapyndan ykrar edilýändigini, il-ýurt bähbitli döwlet maksatnamalaryň üstünlikli amala aşyrylýan döwründe biziň her birimiziň diňe öz halal zähmetimiz, päk ahlaklylygymyz bilen,  Arkadagly Serdarymyzyň öňe sürýän sagdyn durmuş ýörelgelerine eýerip jogap bermekligimiziň galýandygyny uly buýsanç bilen bellediler. Häzirki wagtda ýaşlarymyzyň watansöýüji, päk ahlakly, zähmetsöýer edip ýetişdirip, raýatlarymyzyň her biriniň sagdyn durmuş ýörelgelerine gönükdirmek döwletimizde ileri tutulýan meseleleriň biridigini belläp geçdiler. 

Oňa gatnaşyjylar halkymyzyň bagtyýarlygynyň binýady bolan halallyk ýörelgesini dabaralandyrýan Gahryman Arkadagymyza, Hormatly Prezidentimize tutumly işlerinde elmydama rowaçlyklaryň ýar bolmagyny arzuw etdiler.