2022-nji ýylyň 27-nji aprelinde Türkmenistanyň Senagatçylar we telekeçiler partiýasynyň Daşoguz welaýat komitetiniň gurnamagynda Daşoguz şäherindäki   2-nji orta hünär okuw mekdebiniň mejlisler jaýynda, “Sagdyn durmuşy ýaýbaňlandyrmak barada tagallalar” atly maslahat geçirildi. 

Maslahatda aprel aýynyň dowamynda saglyk bilen bagly geçirilen medeni köpçülikleýin çäreler we olaryň ähmiýeti dogrusynda giňişleýin durulyp geçildi. Şeýle-de aprel aýynyň 7-ne “Bütindünýä saglyk güni” mynasybetli paýtagtymyz Aşgabat şäherinde we welaýatlarda geçirilen köpçülikleýin welosiped ýörişi barada buýsançly çykyşlar edildi. Ýaşlaryň sagdyn-durmuş ýörelgesine eýermegini gazanmak üçin Arkadagly Serdarymyz tarapyndan ýurdumyzda ýerine ýetirilýän netijeli işleriň möhüm ähmiýeti barada giňişleýin wagyz edildi.

      Maslahatyň dowamynda ähli ösüşleriň sakasynda duran  Arkadagly Serdarymyzyň ähli döwletli tutumlarynyň rowaçlyklara beslenmegini arzuw etdiler.