2022-nji ýylyň 6-njy aprelinde Türkmenistanyň Senagatçylar we telekeçiler partiýasynyň Daşoguz welaýat komitetiniň gurnamagynda Daşoguz Agrosenagat orta hünär okuw mekdebinde Bütindünýä saglyk güni mynasybetli “Türkmenistan– bagtyýarlygyň, ruhubelentligiň we sagdynlygyň ýurdy”    atly wagyz-nesihat çäresi geçirildi. 

Çärede ýurdumyzda sagdyn durmuş ýörelgelerini berkarar etmek, jemgyýetimizde bedenterbiýe hem-de sport bilen yzygiderli meşgullanmagy wagyz etmek boýunça giň gerimli işler alnyp barylýandygy, saglyk diňe her bir adam üçin däl, eýsem, tutuş jemgyýet üçin uly gymmatlykdyr, çünki ol beden taýdan sagdynlygyň we güýç-kuwwatyň, zähmet hem-de döredijilik işjeňliginiň, abadan durmuşyň gözbaşydyr diýlip, Berkarar döwletiň täze eýýamynyň Galkynyşy döwründe bu ugur Türkmenistanyň döwlet syýasatynyň ileri tutulýan ugurlarynyň biri bolup durýandygy, şunuň bilen baglylykda, häzirki döwürde eziz Watanymyzda giň gerime eýe bolan köpçülikleýin bedenterbiýe-sagaldyş we sport hereketini ösdürmäge aýratyn üns berilýändigi dogrusynda wagyz edildi.

Çäräniň dowamynda täze taryhy döwürde Türkmenistanyň sagdynlygyň, ruhubelentligiň we sportuň ýurdy hökmündäki abraýyny hasda artdyrmagy ösüşiň ileri tutulýan ugurlarynyň hatarynda kesgitlän döwlet Baştutanymyzyň beýik maksatlarynyň myrat tapmagy tüýs ýürekden arzuw etdiler.