16-njy dekabrda Türkmenistanyň Senagatçylar we telekeçiler partiýasynyň Daşoguz welaýat komitetiniň partiýa agzalarynyň hem-de Daşoguz welaýat Gümrükhanasynyň gullukçylarynyň gatnaşmagynda Daşoguz welaýat Gümrükhanasynyň kiçi mejlisler jaýynda “Sagdyn ýaşaýyş-jemgyýetiň pugta binýadydyr” atly maslahat geçirildi. Maslahatda ähli ugurlarda ösüşleriň, özgerişleriň ýurdy ata Watanymyz Türkmenistanda ynsan mertebesine goýulýan sarpa döwletimiziň baş şygary, esasy ýol-ýörelgesi diýip bellenildi.  Diňe sagdyn jemgyýet bilen ösüşleriň, özgerişleriň mekany bolan sarsmaz, synmaz we kuwwatly döwleti berkarar edip bolýandygy dogrusynda, islendik döwletiň ösüşi jemgyýetiň aň-düşünjesi, ruhy we ahlak sagdynlygy, kämil sowatlylygy, bilimliligi bilen berk baglanyşyklydygy barada, hut şonuň üçin hem jemgyýetiň sagdynlygyny gazanmak ugrundaky tagallalar her bir döwlet üçin hökmany zerurlykdyr diýip giňden wagyz edildi.

Maslahatyň dowamynda geljekde özleriniň hususy işini guramaklygy maksat edinen ýaşlar ýurdumyzda telekeçilikde döredilýän giň şertler üçin Hormatly Prezidentimize uzak ömür, jan saglyk arzuw etdiler.