2021-nji ýylyň 10-njy noýabrynda Türkmenistanyň Senagatçylar we telekeçiler birleşmesiniň welaýaty boýunça bölüminiň mejlisler jaýynda, işleri dolandyrmakda sanly ulgamy ornaşdyrmagy dowam etdirmek  boýunça “Döwrebap ösüş” atly wagyz-nesihat duşuşygy geçirildi. Duşuşyga Türkmenistanyň Senagatçylar we telekeçiler partiýasynyň işjeň agzalary, Daşoguz agrosenagat okuw mekdebiniň ýaşlary we öňdebaryjy telekeçiler gatnaşdylar. Duşuşygyň dowamynda esasan Milli Liderimiziň taýsyz tagallasy netijesinde döwür bilen aýakdaş gadam basýan ata watanymyzyň ösüşleri dogrusynda buýsançly çykyşlara giň orun berildi. Sanly ulgamyň mümkinçiliklerinden ýerlikli peýdalanýan hususy ulgamyň zähmetsöýer işgärleri döwrebap tehnologiýalaryň öz işleriniň ilerlemegine oňyn täsirini ýetirýändigi barada aýratyn bellediler. Şeýle-de döwrebap ösüşimiziň, hususy ulgamda ýetilen sepgitleriň sakasynda duran Gahryman Arkadagymyza çäksiz alkyş aýdylyp, Hormatly Prezidentimize uzak ömür, jan saglyk tutumly işlerinde rowaçlyk arzuw etdiler.