Türkmenistanyň Senagatçylar we telekeçiler partiýasynyň Ahal welaýat hem-de Aşgabat şäher komitetleriniň guramagynda «Garaşsyzlyk ýyllarynda hususy ulgam döwlet tarapyndan giňden goldanylyp, ýurduň ykdysadyýetiniň esasy hereketlendiriji güýjüne öwrüldi» diýen şygar boýunça bilelikdäki maslahat geçirildi.

Maslahatda milli ykdysadyýetimizi çalt depginler bilen ösdürmekde, içerki bazarlary ýerli hem-de bäsleşige ukyply harytlar bilen bol üpjün etmekde we önümçilik göwrümini artdyrmakda hususy pudagyň eýeleýän möhüm orny barada aýdyň çykyşlar edildi. Gatnaşyjylar döwletimiz tarapyndan telekeçiligi ösdürmek, hususy başlangyçlary goldamak ugrunda amala aşyrylýan özgertmeleriň ýokary netijelerini uly buýsanç bilen nygtadylar.

Çärede ýurdumyzyň ykdysady kuwwatyny berkitmäge saldamly goşant goşup, partiýanyň jemgyýetçilik işlerinde hem-de önümçilikde tapawutlanan telekeçilere TSTP-niň Hormat hatlary dabaraly ýagdaýda gowşuryldy.

Duşuşygyň soňunda hususyýetçiler ýurtda telekeçiligiň giňden ösmegine döredilýän giň mümkinçilikler we yzygiderli goldawlar üçin Türkmen halkynyň Milli Lideri Gahryman Arkadagymyza hem-de Hormatly Prezidentimize çuňňur hoşallyklaryny beýan etdiler.