Ak bugdaý etrabyndaky ýöriteleşdirilen 46-njy orta mekdepde «Sagdyn ýaşlar geljegiň berk binýady» ady bilen sportuň dürli görnüşleri boýunça bäsleşik geçirildi. 

Bütindünýä saglyk gününe bagyşlanan bu çäre eziz Diýarymyzda ýaşlaryň sport bilen meşgullanyp, berk bedenli, sagdyn ruhly kämil şahsyýetler bolup ýetişmegi ugrunda döredilýän şertlerdir mümkinçiliklerden peýdalanyp, sagdyn durmuş ýörelgelerine eýermegiň, sport bilen meşgullanmagyň, ýaramaz endiklerden daşda durmagyň ähmiýetini bellenildi. Sportuň dürli görnüşleri bilen bäsleşikler guraldy, bäsleşiklerde ýeňiji bolan toparlara Türkmenistanyň Senagatçylar we telekeçiler partiýasynyň Ahal welaýat komiteti tarapyndan sowgatlar gowşuryldy.

Ýaşlar baradaky aladany döwlet syýasatynda ileri derejede goýýan Hormatly Prezidentimiziň we Gahryman Arkadagymyzyň adyna sagbolsunlar aýdyldy.