Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda «Dost gurluşyk, söwda önümçilik» hojalyk jemgyýetinde «Arkadagly Gahryman Serdarymyzyň baştutanlygynda döwür beýik işler bilen beýgelýär» atly wagyz-nesihat duşuşygy işjeň häsiýetde geçdi. 

Watanymyzyň bedew batly ösüşleri, gündelik durmuşymyzda bolup geçýän şanly wakalar, milli ykdysadyýetimiziň pudaklarynda gazanylýan üstünlikler, dürli ugurlarda ýetilýän sepgitler, hususyýetçiler üçin döredilýän ajaýyp şertlerdir mümkinçilikler baradaky gürrüňler hem duşuşyga gatnaşýan ildeşlerimizde buýsanç duýgusyny döredýär. Duşuşygyň barşynda halkymyzyň asyrlaryň dowamynda döreden we şu güne gelip ýeten asylly ýol-ýörelgeleri, ýaşlary bezeýän häsiýetler, ahlak arassalygy, maşgala mukaddesligi dogrusynda durlup geçilýär.

Wagyz-nesihat duşuşygyna gatnaşyjylar halkymyzyň asuda hem-de bagtyýar durmuşda ýaşamagy ugrunda ähli tagallalary edýän hormatly Prezidentimize we Gahryman Arkadagymyza bolan hoşallyklaryny beýan edýärler.