Ýakynda Türkmenistanyň Senagatçylar we telekeçiler partiýasynyň Daşoguz welaýat komitetiniň gurnamagynda birleşmäniň welaýat bölüminiň mejlisler jaýynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy döredilmeginiň 5 ýyllygy mynasybetli «Haýyr-sahawat gaznasy ýaş nesilleriň bagtyýar geljeginiň kepili» atlymaslahat duşuşygy geçirildi.

Berkarar döwletimizde türkmen halkynyň Milli Lideri Gahryman Arkadagymyzyň başlangyjy ynsanperwer ýörelgelere daýanýan haýyr-sahawat işleri giň gerimde durmuşa geçirilýär. Milli Liderimiziň esaslandyrmagynda 2021-nji ýylyň 29-njy martynda döredilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bu ugurdaky işleriň has-da ýaýbaňlandyrylmagynda uly ähmiýete eýe boldy. Gaznanyň döredilen gününden bäri ýurdumyzda ýüzlerçe çaganyň saglygy dikeldildi. Şeýle hem dünýäniň döwletlerine ynsanperwerlik kömekleri berildi. Bu bolsa haýyr-sahawat işleriniň has-da giň gerime eýe bolýandygyna şaýatlyk edýär diýip giňişleýin belläp geçdiler. 

Duşuşygyň ahyrynda ýurdumyzda çagalaryň saglygyny goramakda giň mümkinçilikleri döredip berýän Gahryman Arkadagymyza hem-de Arkadagly Gahryman Arkadagymyza köp sagbolsun aýtdylar.