2025-nji ýylyň 29-njy  dekabrynda Türkmenistanyň Senagatçylar we telekeçiler partiýasynyň Daşoguz welaýat komitetiniň guramagynda «Bitaraplyk» toý mekanynda  «Şatlyk getir Täze ýyl, bu bagtyýar ilime» atly aýdym-sazly baýramçylyk çäresi geçirildi.

Aýdym-sazly baýramçylyk çärede Türkmenistanyň Senagatçylar we telekeçiler partiýasynyň işjeň agzalarynyň ýürek buýsançlary we gutlaglary diňlenildi hem-de medeniýet merkeziniň aýdymçylary tarapyndan ýurdumyzda ýetilen belent sepgitleri wasp edýän aýdym-sazly baýramçylyk çykyşlary ýerine ýetirildi.

  Dabaranyň  ahyrynda oňa gatnaşanlar türkmen halkynyň abadan, bagtyýar, asuda durmuşda ýaşamaga giň mümkinçilikleri döredip berýän  türkmen halkynyň Milli Lideri Gahryman Arkadagymyzyň  hem-de Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.