Şu gün Türkmenistanyň Senagatçylar we telekeçiler partiýasynyň Daşoguz welaýat komiteti hem-de Türkmenistanyň Senagatçylar we telekeçiler birleşmesiniň Daşoguz welaýat bölümi bilen bilelikde guramagynda «Bitaraplyk: parahat geljege iň mukaddes mirasdyr» atly wagyz-nesihat çäresi geçirildi.

Ýurdumyzyň Bitaraplygynyň taryhy esaslandyrmasy ata-babalarymyzyň parahatçylyk söýüjilik, sabyrlylyk, başgalaryň pikirine we garaýşyna hormat goýmak, myhmansöýerlik we açyklyk ýaly häsiýetleri bilen aýrylmaz baglanyşyklydyr. Garaşsyz, hemişelik Bitarap döwletimiziň şu şanly ýylda durmuşa geçirilýän işleriň ählisiniň diňe bir halkymyzyň däl, eýsem, tutuş adamzadyň parahat we abadan durmuşyna, ýurtlaryň gülläp ösüşine gönükdirilýändigi, şeýle döwletli tutumlarda Gahryman Arkadagymyzyň hem-de Arkadagly Gahryman Serdarymyzyň taýsyz tagallalarynyň, örän oýlanyşykly syýasy başlangyçlarynyň möhüm orun eýeleýändigi barada giňişleýin belläp geçdiler.

Çäräniň dowamynda ýurdumyzy ösüşleriň ak ýolundan röwşen geljege alyp barýan türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza köp sagbolsun aýtdylar.