Ýakynda Türkmenistanyň Senagatçylar we telekeçiler partiýasynyň Ahal welaýat komiteti tarapyndan partiýanyň mejlisler jaýynda Türkmenistanyň Halk Maslahatynyň nobatdaky mejlisiniň jemgyýetçilik-syýasy ähmiýetini, onda kabul edilen çözgütleri wagyz-nesihat etmek maksady bilen  «Halk Maslahatynyň taryhy mejlisi we Milli Liderimiziň ylhamy döwletliliginiň dabaralanmasy» atly maslahat duşuşygy geçirildi. 

Duşuşykda «Pähim-paýhas ummany Magtymguly Pyragy» ýylynyň 24-nji sentýabrynda Aşgabatda geçirilen Türkmenistanyň Halk Maslahatynyň nobatdaky mejlisiniň ýurdumyzyň jemgyýetçilik-syýasy durmuşynda taryhy waka öwrülendigi, onda möhüm çözgütleriň kabul edilendigi bilen bagly täsirli çykyşlar diňlendi. Çykyşlarda jemgyýetimizi has-da jebisleşdirmek, halkymyzy has-da bagtyýar durmuşda ýaşatmak, ata Watanymyzy gülledip ösdürmek ugrunda nusgalyk işleri durmuşa geçirýän Gahryman Arkadagymyzyň we Arkadagly Gahryman Serdarymyzyň adyna alkyşly sözler beýan edildi.