2024-nji ýylyň 28-nji awgustynda Daşoguz welaýat kitaphanasynyň kiçi mejlisler jaýynda Türkmenistanyň Senagatçylar we telekeçiler partiýasynyň Boldumsuz etrap welaýat komitetiniň guramagynda “Halk maslahaty – halk demokratiýasynyň kämil nusgasy”atly wagyz-nesihat duşuşygy geçirildi. 

     Geçirilen duşuşykda Türkmenistanyň Senagatçylar we telekeçiler partiýasynyň Boldumsuz etrap welaýat komitetiniň işgärleri bilen Daşoguz welaýatynyň Beki Seýtäkow adyndaky mugallymçylyk mekdebiniň mugallymlary hem çykyş etdiler. Türkmenistanyň Halk Maslahatynyň  türkmen halkynyň şöhratly ata-babalarynyň döwleti dolandyrmakda toplan  köpasyrlyk tejribesine daýanyp, olaryň parasatly wesýetlerine eýerip, döwlet we jemgyýetçilik durmuşynyň möhüm meselelerini çözmäge ilatyň wekilleriniň giňden gatnaşmagyny üpjün etmek, jemgyýetiň agzybirligini, jebisligini berkitmek, milli demokratiýany ösdürmek boýunça gazanylan üstünlikleri döredijilikli kämilleşdirmek barada maslahatda çykyş edenler aýratyn belläp geçdiler. Maslahatyň ahyrynda Halkynyň eşretli durmuşda ýaşamagy üçin şeýle mümkinçilikleri döredip beren Gahryman Arkadagymyza Hormatly Prezidentimiz Arkadagly Gahryman Serdarymyza  hoşallyk sözleri bildirildi.