2024-nji ýylyň 05-nji iýunynda Daşoguzyň Taryhy we Ülkäni öwreniş muzeýiniň kiçi mejlisler jaýynda Türkmenistanyň Senagatçylar we telekeçiler partiýasynyň Daşoguz welaýat komitetiniň guramagynda Daşky gurşawy goramagyň bütindünýä güni mynasybetli “Ekologiýa abadançylyk­­-ýaşaýşyň gönezligi” atly wagyz-nesihat duşuşygy geçirildi. 

Berkarar döwletiň täze eýýamynyň Galkynyşy döwründe Hormatly Prezidentimiziň parasatly baştutanlygynda "Pähim-paýhas ummany Magtymguly Pyragy" ýylymyzda häzirki wagtda ekologiýa we daşky gurşawy goramak meselesi halkara gatnaşyklarynda ileri tutulýan iň möhüm meseleleriň biri bolup durýar. Häzirki wagtda biz ýaşlar täze ekologiki dünýägaraýşyň emele gelmegine şaýat we gatnaşyjy bolup durýarys diýip duşuşyga gatnaşyjylar öz çykyşlarynda belläp geçdiler. Şeýle hem Türkmenistan ekologiýa ulgamynda halkara borçnamalary we milli hukuk namalaryny ýerine ýetirmäge aýratyn üns berilýändigi barada aýdylyp geçildi. Duşuşygyň dowamynda ýurdumyzyň daşky gurşawy goramak, tebigaty aýawly saklamak, durnuklylygy, ykdysady abadançylygy we sagdyn ekosistemalary ýokarlandyrmak üçin hem-de suw baýlyklaryny dolandyrmak boýunça tehniki kuwwaty we sebitleýin hyzmatdaşlygy güýçlendirmek babatynda uzakmöhletleýin we ylmy esasda giň möçberli işleri durmuşa geçirmek boýunça alyp barýan işleri üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza hoşallyk sözleri bilen jemlendi.