Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda “Duýgy” hojalyk jemgyýetinde “Ýurdumyzy ösdürmegiň maksatnamasy: rowaç ýoluň täze badalgasy” atly wagyz-nesihat çäresi geçirildi. Berkarar Watanymyz dünýäde ähli ulgamlarda güýçli depginlerde ösýän döwletleriň biri hökmünde tanalýar. Belent sepgitler, gazanylýan üstünlikler, halkymyzyň ýaşaýyş-durmuş şertlerini ýokarlandyrmak baradaky alada Hormatly Prezidentimiziň “Watan diňe halky bilen Watandyr! Döwlet diňe halky bilen döwletdir!” diýen taglymatynyň durmuş ýüzünde dabaralanýandygynyň subutnamasydyr. Arkadagly Gahryman Serdarymyzyň ýurdumyzda amala aşyrýan beýik işleri, belent tutumlary, düýpli özgertmeleri halkymyzyň köňül buýsanjyna öwrülip, rowaç menzillerde diňe öňe barýan döwletimiziň ykdysadyýetinde we beýleki ulgamlarynda uly ösüşleriň gazanylmagyna badalga berýär. “Häzirki döwürde alnyp barylýan işler ýurdumyzyň durmuş-ykdysady taýdan ösdürilmeginde, halkymyzyň bagtyýar durmuşynyň berkidilmeginde ähmiýetlidir” diýip nygtaýan Hormatly Prezidentimiziň parasatly ýolbaşçylygynda ata Watanymyzyň mundan beýläk hem gülläp ösmegine gönükdirilen tutumlaryň gerimi has-da giňeýär, öňde goýlan beýik maksatlar rowaçlyga beslenýär. Geljekde ýurdumyzda innowasion häsiýete esaslanýan milli ykdysadyýetimizi diwersifikasiýa arkaly ösdürmäge gönükdirilen özgertmeler dowam etdirilýär we geljekde ýokary we ekologiýa taýdan arassa tehnologiýalara esaslanýan gaýtadan işleýän önümçilik pudaklaryny ösdürmäge-de hemmetaraplaýyn işler ýerine ýetirilýär. Bu bolsa ýurdumyzyň dünýä ykdysadyýetinde barha artýan ornuny üpjün etjek eksport mümkinçiliginiň möçberini has-da artdyrmaga şert döredýär. Garaşsyz döwletimiz milli ykdysadyýetimiziň hereketlendiriji güýçlerinden biri bolan telekeçiler bilen birlikde, ýurdumyzyň ykdysady kuwwatyny artdyrmak maksady bilen, innowasion ýagdaý üçin ähli amatly şertler döredilen. Şeýlelikde, biz köp girdeji almak bilen maýa goýumlary öz öňünde goýulan meýilnama esasynda ýerine ýetirilýär. Geljekde bazar gatnaşyklarynyň täze ugurlary kesgitlenip, ykdysady ösüşiň mümkinçilikleri dörediler. Goý, ajaýyp döwrümiziň bedew batly ösüşleri, şöhratly menzilleri dowamat-dowam bolsun! Halkymyzyň abadan, eşretli durmuşy barada uly alada edýän Gahryman Arkadagymyzyň, Hormatly Gahryman Prezidentimiziň janlary sag, başlary dik bolup, il-ýurt bähbitli işleri hemişe rowaç alsyn!