Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de mil­li se­ne­na­mamyz­da my­na­syp orun alan, her ýy­lyň 3-nji iýu­nyn­da uly da­ba­ra­lar bi­len belle­nilip geçilýän Bü­tin­dün­ýä we­lo­si­ped gü­ni il­deş­le­ri­mi­ziň sag­dyn dur­muş ýörel­ge­le­ri­ne yg­rar­ly­dy­gy­ny gör­kez­mek bi­len, raý­daş­lyk ru­hu­ny da­ba­ra­lan­dyrýar. Türk­men halkynyň Mil­li Li­de­ri Gah­ry­man Ar­ka­da­gy­my­zyň nyg­taýşy ýa­ly, bu hal­ka­ra baý­ram pa­ra­hat­çy­ly­gyň il­çi­si, öza­ra yna­nyş­mak we dü­şü­niş­mek ýö­rel­ge­le­ri­ne esas­lan­ýan neti­je­li hyz­mat­daş­ly­gy ýo­la goý­ma­gyň ny­şa­ny hök­mün­de spor­ty giň­den wa­gyz etmek üçin uly müm­kin­çi­lik­le­ri aç­ýar.

Köp­çü­lik­le­ýin be­den­ter­bi­ýe we sport he­re­ke­ti kuw­wat­ly, je­bis­leş­di­ri­ji güý­je eýe bo­lup, ila­tyň be­den we ru­hy taý­dan sag­lygy­ny pug­ta­lan­dyr­ma­ga ýar­dam ber­ýär. Bu he­re­ke­tiň çäk­le­rin­de dür­li ýaş­da­ky we kärdä­ki adam­lar umu­my mak­sa­dyň daşynda bir­leş­ýär­ler. Şeý­le çä­re­ler jem­gy­ýet­de öza­ra dü­şü­niş­me­gi we dost­luk­ly gatna­şyk­la­ry ösdür­mä­ge, wa­tan­sö­ýü­ji­lik, jo­gap­kär­çi­lik ýa­ly hä­si­ýet­le­ri terbiýelemäge, ýaş­la­ryň ara­synda sag­dyn dur­muş ýö­rel­ge­le­ri­ni wa­gyz etmä­ge, sport me­de­ni­ýe­ti­ni ös­dür­mä­ge, şeý­le hem mil­li je­bis­li­gi ber­kit­mä­ge ýar­dam ber­ýär.

Hal­ky­my­zyň aba­dan dur­mu­şy ba­rada­ky hem­me­ta­rap­la­ýyn ala­da Ga­raş­syz, Bi­ta­rap Wa­ta­ny­my­zyň döw­let sy­ýa­sa­ty­nyň ile­ri tu­tul­ýan ug­ry hök­mün­de kes­git­le­nil­di. Şun­da ila­tyň sag­ly­gy­ny go­ra­ma­ga, köp­çülik­le­ýin be­den­ter­bi­ýe - sa­gal­dyş hereke­ti­ni ös­dür­mä­ge, sag­dyn dur­muş ýö­rel­ge­leri­ni wa­gyz et­mä­ge aý­ra­tyn üns berilýär. Türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň ýol­baş­çy­ly­gyn­da iş­le­nip taý­ýar­la­nan «Sag­lyk» Döw­let mak­satna­ma­sy­na la­ýyk­lyk­da, ila­tyň sag­ly­gy­ny ber­kit­mek, yn­san öm­rü­niň do­wam­ly­ly­gyny uzalt­mak, be­den­ter­bi­ýä­ni we spor­ty ös­dür­mek, sag­dyn dur­muş ýö­rel­ge­le­ri­ni or­naş­dyr­mak ug­run­da ýur­du­myz­da giň ge­rim­li iş­ler ama­la aşy­ryl­ýar.

Hor­mat­ly Pre­zi­den­ti­mi­ziň dur­mu­şa ge­çir­ýän hem-de dost­lu­gyň, pa­ra­hat­çy­lygyň, spor­tuň we yn­san­per­wer­li­giň be­lent ýö­rel­ge­le­ri­ni ro­waç­lan­dyr­ýan, halk­la­ryň ag­zy­bir­li­gi­ni, je­bis­li­gi­ni pug­ta­lan­dyr­ýan döw­let sy­ýa­sa­ty­nyň ne­ti­je­sin­de, ýur­dumyz hal­ka­ra sport çä­re­le­ri­niň ge­çi­ril­ýän me­ka­ny­na öw­rül­di. Türk­me­nis­ta­nyň başlan­gy­jy bi­len 3-nji iýu­nyň «Bü­tin­dün­ýä we­lo­si­ped gü­ni» diý­lip yg­lan edil­me­gi, Bir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň 76-njy ses­si­ýa­sy­nyň 61-nji ple­nar mej­li­sin­de «Dur­nuk­ly ösü­şi ga­zan­mak üçin köp­çü­lik­le­ýin we­lo­si­ped sür­me­gi jem­gy­ýet­çi­lik ulag ul­gam­la­ry­na gi­riz­mek» at­ly Ka­rar­na­ma­nyň bi­ra­gyz­dan ka­bul edil­me­gi, şeý­le hem Aş­ga­ba­dyň «Ar­ka­la­şy­gyň tä­ze sport müm­kin­çi­likle­ri­niň şä­he­ri» diý­lip yg­lan edil­me­gi ýur­du­myz­da spor­ty ös­dür­mek bo­ýun­ça dur­mu­şa ge­çi­ril­ýän iş­le­riň hal­ka­ra jemgy­ýet­çi­li­giň yk­rar­na­ma­sy­na eýe bol­ýandy­gy­ny gör­kez­ýär.

Şo­ňa gö­rä-de, her ýyl­da ýur­du­myz­da Bü­tin­dün­ýä we­lo­si­ped gü­ni my­na­sy­bet­li en­çe­me da­ba­ra­lar ge­çi­ri­lip, şun­da paý­tagty­myz­da gu­ral­ýan köp­çü­lik­le­ýin we­lo­si­ped­li ýö­ri­şe uly orun de­giş­li­dir. Mu­nuň özi we­lospor­tuň giň­den wa­gyz edil­me­gi­ne, jem­gy­ýetde eko­lo­gik me­de­ni­ýe­tiň iler­le­dil­me­gi­ne, şol san­da spor­tuň bu gör­nü­şi bi­len meş­gullan­ýan­la­ryň sa­ny­nyň yzy­gi­der­li art­ma­gy­na ýar­dam ed­ýär. Çün­ki we­lo­si­pe­diň esa­sy ulag se­riş­de­si hök­mün­de ula­nyl­ma­gy daş­ky gur­şa­wa kö­mür­tur­şy ga­zy­nyň zy­ňyn­dy­la­ryny azalt­ma­ga ýar­dam ber­ýär. Bu bol­sa, öz ge­ze­gin­de, eko­lo­gik aba­dan­çy­ly­gy üp­jün et­mä­ge ýar­dam ed­ýär.

We­los­port fi­zi­ki iş­jeň­li­gi aras­sa howa­da dynç al­mak bi­len ut­gaş­dyr­ma­ga müm­kin­çi­lik be­rip, sy­ýa­hat­çy­lyk üçin tä­ze göz­ýe­tim­le­ri aç­ýar. Spor­tuň bu gör­nü­şi äh­li ýaş­da­ky adam­lar üçin el­ýe­ter­li­dir. We­los­port bi­len yzy­gi­der­li meş­gul­lan­mak ýü­rek we gan aý­la­nyş ul­ga­my­ny, be­de­niň umu­my çy­dam­ly­ly­gy­ny ber­kit­mä­ge ýardam ber­ýär. We­lo­si­ped spor­ty hem-de we­lo­si­ped­li ge­ze­lenç­ler maş­ga­la ýa-da dost­lar bo­lup dynç al­mak üçin aja­ýyp müm­kin­çi­lik­dir.

Bi­ta­rap Türk­me­nis­ta­nyň pa­ra­hatçy­lyk sö­ýü­ji­lik­li sy­ýa­sa­ty­ny, hor­mat­ly Pre­zi­den­ti­mi­ziň baş­lan­gyç­la­ry­ny hä­zir­ki döw­rüň olim­pi­ýa he­re­ke­ti­ni esas­lan­dy­ry­jy Pýer de Ku­ber­te­niň «Spor­ta wasp­na­ma­synda­ky» meş­hur söz­le­ri­niň aý­dyň be­ýa­ny hökmün­de hä­si­ýet­len­dir­mek bo­lar. Bu se­na­da pa­ra­hat­çy­ly­gyň, dö­re­di­ji­li­giň, ösü­şiň, şat­ly­gyň we sag­dyn dur­muş ýö­rel­ge­le­ri­niň mak­sat­lary, ýaş­ly­gyň, ýeň­şe bo­lan ym­tyl­ma­nyň ru­hy «Eý, sport! Sen — pa­ra­hat­çy­lyk!» di­ýen sözler bi­len wasp edil­ýär. Olim­pi­ýa oýun­la­ry­nyň «Bi­le­lik­de has çalt, has ýo­ka­ry, has güýç­li» di­ýen şy­ga­ry spor­tuň adam­la­ryň ara­syn­da raý­daş­ly­gy, dost­lu­gy pug­ta­lan­dyr­mak­da möhüm äh­mi­ýe­te eýe­di­gi­ni tas­syk­la­ýar.

Şeý­le­lik­de, ýur­du­myz­da Bir­le­şen Mil­letler Gu­ra­ma­sy­nyň se­ne­na­ma­syn­da my­nasyp orun alan Bü­tin­dün­ýä we­lo­si­ped gü­nüniň da­ba­ra­ly ýag­daý­da bel­le­nilip ge­çil­me­gi jem­gy­ýe­ti­mi­zi umu­my mak­sa­dyň da­şyn­da je­bis­leş­di­rip, Türk­me­nis­ta­nyň sag­dyn­ly­gyň we ru­hu­be­lent­li­giň ýur­du­dy­gy­ny giň ja­ha­na äş­gär ed­ýär.