Türkmenistanyň Senagatçylar we telekeçiler partiýasynyň Balkan welaýat komitetiniň guramagynda Bereket etrabynyň tikin fabriginiň mejlisler jaýynda akyldar şahyr Magtymguly Pyragynyň 300 ýyllygy mynasybetli “Şygryýet äleminiň – öçmejek nury Magtymguly Pyragy” atly döredijilik duşuşygy geçirildi. 2024-nji ýylda geçiriljek türkmen edebiýatynyň nusgawy şahyrynyň şanly senesi mynasybetli birnäçe çäreleri amala aşyrmak meýilleşdirilýär. Beýik şahyryň ýubileýine meýilleşdirilen çäreler onuň iň baý edebi mirasyny has çuňňur öwrenilmegine we giňden ýaýramagyna goşant goşar. Hususan-da bütin adamzadyň altyn genji –hazynasyna giren Magtymguly Pyragynyň baý edebi mirasyny çuňňur öwrenmek we giňden wagyz etmegi özimize belent borç saýýarys! Döwletli döwranymyzyň, baky bagtyýarlygymyzyň baş sakasynda durýan halkymyz hakynda ägirt uly tagallalar edýän Gahryman Arkadagymyzyň, Arkadagly Serdarymyzyň janlary sag, ömürleri uzak, belent tutumly işleri elmydama rowaç bolsun!