Türkmenistanyň Senagatçylar we telekeçiler partiýasynyň hem-de Senagatçylar we telekeçiler birleşmesiniň bilelikde gurnan «Halk Maslahaty: parahatçylygyň we agzybirligiň berk binýady» atly wagyz-nesihat çäresi ýurdumyzyň jemgyýetçilik-syýasy durmuşynda milli agzybirligi berkitmekde möhüm waka boldy. Halk Maslahatynyň döwletimiziň durnuklylygyndaky, parahatçylygyndaky we milli agzybirligindäki eýeleýän ornuny giňden wagyz etmek. Telekeçileriň milli ykdysadyýetimizi ösdürmekde we jemgyýetçilik galkynyşyna işjeň gatnaşmakda döwlet syýasaty bilen bir ugurdan baryşy bellenildi. Parahatçylygyň, agzybirligiň ýurdumyzyň mundan beýläk hem rowaçlanmagynyň we berkarar bolmagynyň berk binýadydygy aýratyn bellenip geçildi. Çäräniň ahyrynda oňa gatnaşyjylar ýurdumyzy beýik üstünliklere we parahat gelejege alyp barýan Hormatly Prezidentimize we Gahryman Arkadagymyza berk jan saglyk, uzak ömür hem-de il-ýurt bähbitli beýik işlerinde hemişe üstünlikleri arzuw etdiler.