Türkmenistanyň Senagatçylar we telekeçiler partiýasynyň Mary welaýat komitetiniň guramagynda telekeçi A.Rejepowanyň önümçilik kärhanasynda «Berkarar döwletimiziň täze eýýamy we beýik özgertmeler eýýamy» atly maslahat guraldy.

Maslahatda ýurdumyzda hususy telekeçiligi ösdürmek, önümçilik kuwwatyny artdyrmak we döwlet tarapyndan milli işewürlige berilýän giň goldawlar dogrusynda çykyşlar edilip, ýaş hünärmenlere bu ugurda giň düşünjeler berildi. Maslahata gatnaşyjylar ýurdumyzda milli telekeçiligiň ösdürilmegine, ýaşlaryň döredijilikli zähmet çekmegi we täze önümçilikleri ýola goýmagy üçin hemmetaraplaýyn şertleri döredip berýän Hormatly Prezidentimize hem-de Gahryman Arkadagymyza tüýs ýürekden sagbolsunlaryny aýtdylar.