2022-nji ýylyň 27-nji aprelinde Türkmenistanyň Senagatçylar we telekeçiler birleşmesiniň Balkan welaýat bölüminiň mejlisler jaýynda Senagatçylar we telekeçiler partiýasynyň Balkan welaýat komitetiniň, Balkan welaýatynyň Sport we ýaşlar syýasatynyň baş müdirliginiň hem-de Türkmenistanyň Magtymguly adyndaky ýaşlar guramasynyň Balkan welaýat Geňeşiniň bilelikde gurnamaklarynda temmäkiden azat ýurda öwürmek boýunça 2022-2025-nji ýyllar üçin Milli maksatnamasyny wagyz etmek maksady bilen, “Sagdyn durmuş bagtyýarlygyň açary” atly wagyz-nesihat çäresi geçirildi. 

         Maslahatyň dowamynda oňa gatnaşanlar Hormatly Prezidentimiziň taýsyz  tagallalary netijesinde, temmäkiniň ulanylmagyna  garşy alyp barýan giň möçberli tutumly işleri amala aşyrýandygy barada gürrüň etdiler. 

Çykyş edenler maslahatyň ahyrynda Hormatly Prezidentimiziň    il-ýurt  bähbitli bütin  adamzat  ähmiýetli alyp  barýan işleriniň  hemişe rowaç bolmagyny tüýs  ýürekden arzuw  etdiler.