2022-nji ýylyň 29-njy sentýabrynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Senagatçylar we telekeçiler birleşmesiniň  Lebap welaýaty boýunça bölüminiň binasynyň mejlisler jaýynda ýurdumyzda ýaňy ýakynda geçirlen Türkmenistanyň Döwlet maslahatynyň mejlisinde seredilen meseleleri, öňde goýlan wezipeleri ündemek we wagyz etmek maksady bilen, “Türkmenistanyň Döwlet Maslahaty – halk bähbitli beýik işler” atly maslahat geçirildi.

Onda çykyş edenler Hormatly Prezidentimiz Serdar Berdimuhamedowyň:

—MENIŇ BAŞ MAKSADYM GARAŞSYZLYGYMYZYŇ WE BITARAPLYGYMYZYŇ ESASLARYNY HAS-DA BERKIDIP, ÝURDUMYZY BEÝIK GELJEGIMIZE TARAP YNAMLY ÖŇE ALYP BARMAKDAN YBARATDYR. 

diýen sözlerine, çuňňur kanagatlanma duýgulary bilen özleriniň hoşallyklaryny beýan etdiler.

Maslahatyň dowamynda Hormatly Prezidentimiziň türkmen telekeçilerine işlemek we döretmek üçin döredip beren şertleri, bu ugurda ýetilen uly sepgitler barada buýsanç bilen bellenilip geçildi. Oňa gatnaşanlar Hormatly Prezidentimiziň halkymyz üçin edýän taýsyz tagallalaryna köp sagbolsun aýtdylar. Arkadagly Serdarymyzyň jany sag, ömri uzak, belent başy aman bolmagyny arzuw etdiler.