2022-nji ýylyň 26-njy maýynda Türkmenistanyň Senagatçylar we telekeçiler partiýasynyň Balkan welaýat komitetiniň guramagynda Senagatçylar we telekeçiler birleşmesiniň welaýat bölüminiň mejlisler jaýynda “Dost-doganlyk gatnaşyklary rowaçlanýar” atly maslahaty geçirildi. Maslahatyň dowamynda oňa gatnaşanlar Milli Liderimiziň başlangyjy bilen şu ýylyň 12-nji maýynda paýtagtymyzda sebitde ilkinji gezek Merkezi Aziýa döwletleriniň we Russiýa Federasiýasynyň Parlamentara forumy ýokary guramaçylyk derejesinde geçirilendigi we Parlamentara forumyň bu döwletleriň arasyndaky halkara tagallalary yzygiderli birleşdirmekde , ählumumy parahatçylygy, durnuklylygy we howpsuzlygy berkarar etmekde, halkara maslahatlarynyň jemleri boýunça gazanylan ylalaşyklar babatda durnukly ösüşi üpjün etmek boýunça ýerine ýetirilmeli wajyp wezipeleri kesgitlemekde möhüm ähmiýete eýedigini belläp geçdiler. Çykyş edenler maslahatyň ahyrynda Hormatly Prezidentimiziň il-ýurt bähbitli bütin adamzat ähmiýetli alyp barýan işleriniň hemişe rowaç bolmagyny tüýs ýürekden arzuw etdiler.