2021-nji ýylyň 1-nji iýunynda Türkmenistanyň Senagatçylar we telekeçiler partiýasynyň Daşoguz welaýat komitetiniň gurnamagynda Türkmen Oba hojalyk institutynyň mejlisler jaýynda “Ruhubelent ýaşlar we hususy pudak” atly maslahaty geçirdi. Maslahatda Gahryman Arkadagymyzyň geçen ýylyň ahyrynda ýurdumyzyň syýasy-jemgyýetçilik guramalarynyň ýolbaşçylary bilen geçiren wideoşekilli iş maslahatynda beren tabşyryklaryndan ugur alyp,  ýaşlara hemmetaraplaýyn goldaw bermek, olaryň şahsyýet hökmünde kämilleşmegi üçin giň ýol açylmagyny üpjün etmek, hukuk we durmuş taýdan goraglylygyny pugtalandyrmak, milli däp-dessurlarymyzy, maşgala mukaddesligini, sagdyn durmuş ýörelgelerini wagyz etmek boýunça  alynyp barylýan işler barada aýdyldy. Şeýle-de türkmen ýaşlaryny ruhubelent,  sagdyn durmuş ýörelgelerine eýerýän, aýdym-saz sungatyndan baş çykarýan  milli ruhda terbiýelemek barada giňden wagyz edildi. Ýerine ýetiren çykyşlaryň dowamynda ýaşlaryň innowasion tehnologiýalarynyň, sanly elektron serişdeleriniň we dil sowatlylygynyň esaslaryny çuňňur özleşdirmeklerini gazanmagy, döwletiň jemgyýetçilik-medeni durmuşyna gatnaşmagyny işjeňleşdirmegi dogrusynda aýdylyp, ýaşlara maglumat we sanly tehnologiýalary özleşdirmäge, kompýuter we internet ulgamynda täze ylmy taglymatlary, tehnologik tejribeleri öwrenmäge, sanly tehnologiýa ulgamyndan we innowasion serişdelerden peýdalanmagyň ýokary medeniýetini terbiýelemegi barada giňişleýin durulyp geçildi. Telekeçilik işine höwesli ýaşlary telekeçilige ugrukdyrmakda, ýaş telekeçilere telekeçilik işiniň ýöredilişi, bu ugurda maslahat-okuwlaryny guramak boýunça ýaşlaryň jemgyýetçilik-şahsy başlangyçlaryny ileri tutmakda, goldamak we höweslendirmek dogrusynda aýdylyp, maslahatyň dowamynda gyzykly pikir alyşmalar, sorag-jogaplar  we peýdaly maslahatlar berildi.

      Maslahata gatnaşyjylar bagtyýar ýaşlary ösüşlere belent ynam bilen öňe alyp barýan Gahryman Arkadagymyzyň janynyň sag, ömrüniň uzak bolmagyny, Watanymyzyň röwşen geljegi ugrunda alyp barýan tutumly işleriniň rowaç almagyny arzuw etdiler.