2021-nji ýylyň 20-nji maýynda Türkmenistanyň Senagatçylar we telekeçiler birleşmesiniň edara jaýynyň mejlisler zalynda Türkmenistanyň Senagatçylar we telekeçiler partiýasynyň Balkan welaýat komitetiniň guramagynda milli mirasymyzy aýap saklamakda hem-de iňňän inçe çeper el işini ýaş nesillere geçirmekde nusgalyk işlerini bitirýän Ogulabat ejäniň ýürek mähri siňen ajaýyp el işleriniň we beýik sungaty barada zenanlaryň arasynda “Ýürek mähri siňen sungat” atly maslahat duşuşygy geçirildi.

    Duşuşykda Hormatly Prezidentimiziň öz käbesine bolan nusgalyk söýgi-sarpasy her bir adam üçin görelde mekdebidir. Hormatly Prezidentimiziň mähriban käbesi Ogulabat ejäniň zehininden kemal tapan el işleriniň, ýagny gyzyl kürtesiniň hem-de gülli jorap işleriniň milli müzeýe sowgat berilişi barada giňişleýin gürrüňler edildi. „Türkmenistan—parahatçylyk we ynanyşmagyň Watany“ ýylynda her bir günümiz täze rowaçlyklara, üstünliklere beslenýär. Goý, eziz Diýarymyzy bedew batly, okgunly, depginli ösüşlere besleýän, ýurdumyzy ösdürmeklige ählitaraplaýyn giň ýollar açan Gahryman Arkadagymyzyň jany sag, ömri uzak, il-ýurt bähbitli, umumadamzat ähmiýetli beýik işleri hemişe rowaçlyklara beslenmegini arzuw etdiler!