Arkadag şäheriniň jemgyýetçilik guramalarynyň binasynda Türkmenistanyň Senagatçylar we telekeçiler partiýasynyň Arkadag şäheriniň komitetiniň hem-de beýleki jemgyýetçilik guramalarynyň bilelikde guramagynda “Türkmenistanyň Halk Maslahaty - Gahryman Arkadagymyzyň, Arkadagly Gahryman Serdar Prezidentimiziň milli demokratiýasy” atly wagyz-nesihat duşuşygy geçirildi.

Halk Maslahatynyň mejlisinde agzalan ykdysadyýet, maliýe, maýa goýum, ekologiýa, şähergurluşyk, daşary syýasat, ulag-kommunikasiýa, energetika, oba hojalygy, saglygy goraýyş, sport, ylym-bilim, nebitgaz, senagat, hususy telekeçilik ýaly onlarça ugurlarda gazanylan üstünlikler ähli halkymyzy guwandyrýar.

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň taryhy çykyşlaryny içgin öwrenmek hem-de many-mazmunyny jemgyýete wagyz etmek jemgyýetçilik guramalarynyň wekilleri üçin wajyp wezipe bolup durýar. Gahryman Arkadagymyzyň ak ýoly bilen geçip barýan şanly ýyllar ata Watanymyzy tanalmaz derejede özgerdýär. Dünýäde arzuwlaryň amala aşýan ýurdy hökmünde ykrar edilen Watanymyzyň geljeginiň mundan-da beýik, aýdyň boljakdygyna ynanjymyz egsilmezdir. Oňa türkmen halkynyň Milli Lideriniň taryhy tutumlaryny mynasyp dowam etdirýän hormatly Prezidentimiziň baştutanlygynda eziz Watanymyzyň oýlanyşykly, ädimme-ädim durmuşa geçirýän özgertmeleri hem aýdyň güwä geçýär.

Goý, ata Watanymyzy dünýäniň ösen döwletleriniň hataryna çykarýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!